搜尋
☆新發現☆ 栗子＋雞蛋＝鳳眼果？
- Sandy Cheung
- 2014年8月9日
- 讀畢需時 1 分鐘
鳳眼果藏身地點：沙田街市 日期時間：8月7日下午 小女子眼光淺，真係從未見過「鳳眼果」，街市阿叔話：「好似栗子咁！（甜架？）好似蛋黄咁！（吓？）」 ＄24／磅唔算貴，決定買嚟試試！
據網上資料所得，原來7、8月當造嘅鳳眼果，蛋白質成份比雞蛋仲多，大約有20﹪蛋白質，60﹪澱粉質，其餘仲有脂肪、纖維、鈣、磷、維他命A、B，做早餐啱晒。
煮法： 1. 先脫紅「層」，再洗走果子外層黐笠笠嘅粘液 2. 用水開大火煲35﹣40分鐘，見個殼爆開咗就得 3. 剝走硬殼，再搣走層頗厚嘅衣，食得！ （如果家中有焗爐，最好再焗多20分鐘，會香好多～）
回味指數：5／10 質感似栗子，但冇栗子咁甜，有少少粟米嘅香味，顏色就似足雞蛋黃。 淡口咗少少，我都係鍾意食栗子多啲。
댓글