[扮廚神系列] 中意fusion 煎帶子

>>>此系列專為平日工作忙碌、又要應付突如其來的cooking party之人士而設，用於見家長時扮賢淑亦可。<<<

香煎帶子配羅勒醬

一個中式混合意式的fusion煮法，試過羅勒醬的人一定不會忘記那種獨特的香味，配上以甜豉油調味的帶子，兩者出奇地夾！做法非常簡單，材料亦容易買到，即使是地獄廚神都很難失手，最重要是上到大枱！

材料：

1. 急凍大帶子 8 隻 （超市/凍肉店/街市都可找到) 2. 煮食用橄欖油 　 1 湯匙 3. 牛油 1 湯匙 4. 豉油 3 茶匙 5. 糖 1 茶匙 6. 薑汁 1 湯匙 7. 檸檬汁 2 湯匙 8. 羅勒醬 pesto sauce 　 2 湯匙 （一般大型超級市場都可以找到） 9. 黑椒 隨意／可唔加

這個菜式的靈瑰在於「造型」，所以在煎帶子之前，要先整理隻碟！我今次用了羅勒葉 (Basil)做伴碟，亦可選擇露荀或西蘭花或芫茜，另外碟中央的就是羅勒醬，放上一湯匙即可。 調味料方面，薑和檸檬要先搾汁，把糖加在豉油中然後攪匀。 可以開始煮了！

步驟：

1. 抹乾帶子水份 2. 用大火燒紅煎pan，落橄欖油後較至中大火，油熱後放帶子落pan，再落薑汁，煎約1分鐘 3. 落豉油汁和牛油 4. 反轉帶子煎兩分鐘 5. 落檸檬汁 6. 反轉帶子再煎一分鐘 7. 分兩碟上枱！（可撒上黑椒）

升級貼士：

如果家中有白酒，不妨在加檸檬汁前落pan與帶子一齊煎，至於牌子，我見網上很多烹飪達人都推sauvignon blanc，據說它的微酸及酒香能提升帶子的鮮甜，不過小妹還未去到這個層次，没意見。 想留意多啲Eat goood D有咩新發現，快啲follow我嘅facebook專頁啦 ：） 如果想睇多啲靚相嘅，follow我嘅instagram（eat_goood_d）都得架！

#fusion #italianfood #pestosauce #recipe #seafood #意大利菜 #扮廚神系列 #海鮮 #食譜